Gedichte & Versli

Das Chlausenverzeichnis durchsuchen
Geben Sie hier den gewünschten Ortsnamen oder den Namen der gesuchten Chlausengesellschaft ein
Anmelden
Geben Sie Ihren Benutzernamen und Ihr Passwort ein, um sich an der Website anzumelden:

Kommentare (45)

  1. am 17.10.2015
    Ou, Samichlous du liebe Maa,
    bisch du scho wider daa ? !
    mi dünkt's sigsch ersch grad binis gsii
    so schnäll isch's Jährli doch verbii !
    Drum het's nid glängt, äs schööns Gedichtli z'mache, gäll, gischmer gliich vo dine schöne Sache!
  2. am 17.10.2015
    Am Waldrand stoht es Hüüsli, de schnee ligt uf em Dach.
    Es liechtli brönnt am Feischter, sind ächt die Chind no wach?

    Wär chunnt det uus de Tanne, im Mantel wiit und Warm?
    Gros Händsche a de Füschte e Fitze underem Arm?

    Oh lueget die Kaputze, dä sack an Rugge ghänkt!
    Es isch dä Chlaus ihr Chinde ich has no halbe dänkt.

    Wänn jetzt do nur e jedes e ordligs Färsli weis gäll Büebli hesch net gfolget dir werdet bäggä heis.
  3. am 17.10.2015
    E Liechtli chunnt der Feldweg yy,
    ych glaub das mues der Santiglaus sii.

    Jetzt ghört me's Glöggli, still los guet,
    wie's über d' Wiese lüüte duet,

    Mis Herzli glopft lies und fescht,
    ich hoff Du weisch vo mir nur's Bescht.

    Die andere glaine dumme Sache,
    möchti s'nägscht Jahr besser mache.

    Drum bitte lueg in Sack jetzt drii,
    ob's öppis het für mi derbii.
  4. am 17.10.2015
    I weiss es chliises Müüsli
    im Samichlause Hüüsli
    Los wien es macht
    zmittst i dr Nacht
    Los nume guet. i glaube gwüss
    das freche Müüsli schnaused Nüss.

    I weiss im Waud es Plätzli
    dert hocke siibe Spätzli
    Was tüe si picke,
    dranne zwicke
    Was mache si für Spatzetänz
    Aha! Sie hei e Grittibänz

    I weiss es graubruns Eseli
    das zieht em Chlaus sis Scheseli
    es jöggelet
    u glöggelet
    u trappet zfriede s Wägli uus
    u bliibt de stah vor üsem Huus.
  5. am 17.10.2015
    Was isch das für es Liechtli?
    Was isch das für e Schyy?
    Dä Chlaus mit de Latärne
    Gaht grad de Wald durii.

    Sie Esel dä isch glade, er rüeft ia, ia!
    Hüt dörfi mit em Meischter, e mol
    is Städtli gah!

    Im Sack da hetz viel Nusse, au Tirgel
    Zimmetstärn, die trägi für en zähntner und
    d Chinder no so gärn.
  6. am 17.10.2015
    Samichlaus ig ha di gärn!
    Doch vom Schmutzli bini Fän!
  7. am 17.10.2015
    Samichlaus so chumm doch ine. Muesch nöd verusse stah. Wieso hesch du din Schmutzli wieder mitgnah? Han ich echt öpe zwenig gfolget, s ganz Jahr i und us? Ich chann halt au nöd immer es liebs Buebli si!
  8. am 17.10.2015
    Samichlaus wo chonsch du här?
    Warum isch au din Sack so schwär?
    Bisch de ganzi Wald dur gloffe?
    Häsch villicht s'Chrischchindli troffe?
    S'hät sicher gseit es chämi au scho gli.
    Gäll Chlaus, ich bin en liebe/i gsi!
  9. am 17.10.2015
    Es dunklet scho im Tannewald
    und s'schneielet ganz lislig.
    Was isch das für es Liechtli deet
    i säbem chline Hüsli ?
    Deet isch de Samichlaus dihei
    mit sine vilne Sache
    er isch jetzt mit em Schmutzli
    am Wiehnachts-Guetzli bache.
    Da pöpperlet's as Lädeli
    und s'Glöggli g'hört mer lüüte.
    Jetzt weiss er scho wer dusse isch
    und was das söll bedüüte.
    S'Chrischt-Chindli chunt no z'abig schpoot
    em Samichlaus go rate
    s'isch Ziit das uf de Wäg er goot
    well d'Chinde scho tönd warte.
    Do packt de Schmutzli alli Säck
    mit Guetzli, Gschänk und Chueche
    chom Samichlaus jetzt gömmer
    alli Chind dihei go bsueche.
  10. am 17.10.2015
    De Wald isch wiis und voller Schnee,
    ich glaub, ich han de Chlaus grad gseh.
    Mis Herzli chlopfed ganz fescht und gschwind,
    gaht er no zu andere Chind?
    Chum ine, liebe Samichlaus,
    und lär Diin Sack grad us,
    chumm, bliib doch no es Wiili i öisem warme Huus!
  11. am 17.10.2015
    Eseli, Eseli chlii und grau,
    Esseli uf em Haberstrau,
    llauf weidli sbergli uuf und ab,
    beglet de chlaus zu üüs id Stadt.
  12. am 17.10.2015
    Jetzt stinkts mir denn, ych ka nimm warte
    bis Santiglaus zur Düür iikunnt
    Jetzt stinkts mir denn, ych ka nimm warte
    das duurt jo sicher no hunderttausig Stund
    kumm doch äntlig,kumm doch äntlig
    bitte kumm doch gly
    jetz hör ych e Glöggli lyte
    cool das muess en si
  13. am 17.10.2015
    Nikolaus sei unser Gast
    wenn Du was im Säckli hast,
    hast Du was, so lass Dich nieder,
    hast Du nichts verschwinde wieder
  14. am 17.10.2015
    Es Rehli gumpet über d Winterwiis
    verusse schneits ganz fiin und liis.

    Dänn springs direkt in Wald
    es weiss de Samichlaus chunt bald.

    Vo wiitem gsehts es chliises Liecht
    und s Glöggli ghörts au lüüte.

    Jetzt weises es isch scho ader Zyt
    de Chlaus chunt und si Wäg isch wiit.

    Es seit ja grüessti wohl Herr Samichlaus
    säg gasch scho zu de Chind?

    Er lacht und seit ja mis Reh,
    die hend mi über es Jahr nümm gseh.

    Er gitem epis us em grosse Sack und streichlet fiin sii Fäll,
    dänn seit er jetzt mueni gah ich chan
    Chind nümm länger warte la.
  15. am 17.10.2015
    ou samichlous,
    mis Härzli chlopfet lies und fescht,
    ig hoff' Du weisch vo mir nur z'Bescht!
    Die andere chline, dumme Sache,
    möcht ig nächscht Jahr gwüss nümme mache!
    Drum, bitte lueg im Sack jetz drii,
    ob's öppis Schöns het ou für mii.
  16. am 17.10.2015
    Samichlous im Tannewald
    säg, chunnsch Du nid öppe bald.

    Es het ja hür scho 3 Mal gschneit,
    ds Värsli hani 10 Mal gseit.

    Chum nimm di Sack, la d'Ruete sy,
    weisch, für die bi ig no ds chly.
  17. am 17.10.2015
    D Blätter falled ab dä Bäume, d chinde fanged afa träume. Vo däm maa im dunkle Wald, wo au würkli au scho bald, mit em Esel und em Schlitte, ämenä Sack und schwäri Schritte. Zstampfä chummt dä Sack abstellt und am Chind sini Gschicht verzellt
  18. am 17.10.2015
    Samichlaus du liebe Maa
    wetsch es sprüchli vo mir ha
    ich seg der eis
    ich weis aber Keis
  19. am 17.10.2015
    Samichlous du liebe Maa,
    gäu i muess ke Ruete ha?!

    Gibse lieber am Papi,
    dä isch dr grösser Lappi.
  20. am 17.10.2015
    sami niggi näggi hinterem ofe stecki bringsch mer nuss und bire denn chumi wieder füre
  21. am 17.10.2015
    Ich bi e chlyne Pfüderi
    das säged alli Lüt.
    Ich wett so gärn en Grosse ( e Grossi) si doch strecke das nützt nüt !
    Gäll Samichlaus, das weisch du scho
    chunsch glich i euses Huus,
    und leersch no vor em Witersgah
    din Sack i d' Stube n'us.
  22. am 17.10.2015
    Los, ich ghörä 's Glöggli lütä, dussän uf der Schtägä das isch gwüss der Samichlaus, mag chum d'Päckli trägä
    (Refr.) Gling gling gling, gling gling gling, tönt sys Glöggli hell Pumpumpum, pumpumpum chlopft mys Härzli gschnell.

    Chumm id Schtubä tuä verschnuufän und der Sack usläärä wäisch, miär Chindä händ di halt äifach alli gärä. (...Refr.)

    Schmutzli, Ruätä bruucht's ä käini, tuä nid d'Schtirnä rümpfä.
    Z' nöchschti Jaar, chasch sicher si, bruuchsch käis Wort meh z'schimpfä (Refr.)

    Samichlauslied aus Uri (Dialekt angepasst; Original "Gleggli" statt "Glöggli", "üsläärä" statt "usläärä" usw.)
  23. am 17.10.2015
    Dä versteckt sich z hinderscht im Schrank,
    dä grad ungerem Chuchibank,
    dä schliesst sich im Zimmer i,
    dä weiss grad gar nümm wohi,
    nur der Chlinscht stoht muetig do,
    vorem Samichlaus muess me kei Angscht ha.
  24. am 17.10.2015
    Äs dunklet scho durs Gässli y,
    dr Samichlaus chunnt jetzt de gly!
    Ä chalte Wind blosst i sis Horn,
    villicht, villicht gits Schnee bis morn!
    Oh wenn doch so nä Wulchä chäm
    und huffä Schnee uf d Ärdä nähm,
    de wer dr Samichlaus sicher froh,
    de chönnt er mit em Schlittä cho
  25. am 17.10.2015
    I bi e chline Stumpe,
    ha no churzi Bei.
    Gib mir gschwind es Päckli,
    de chani wieder hei.
  26. am 17.10.2015
    liebe Samichlaus de Schnee chunt bald
    jetzt wird's ziit für dich, chum us em Wald.

    ich warte scho mit viel Geduld
    bin s'ganz Jahr scho brav und ohni Schuld..

    gäll das isch doch en Grund
    für es g'füllts Säckli ja ganz rund..

    für de B'suech danke ich dir und au am schmutzli
    lueg da, drum han au ich für eu es Gutzli.
  27. am 17.10.2015
    Im Wald isch's chalt und s'hät vill Schnee
    jetz hani grad es Rehli gseh
    Es springt devo - was hät's ächt ghört?
    Was isches ächt, was z'Rehli stört?
    Etz gsehnis au - de Schlittä da
    es hät ä huffä Päckli dra
    Dä Samichlaus - oh weli Pracht!
    Wo gasch au hi mit diner Fracht?
    oh bitte, chumm doch au zu mir!
    Ich freu mi soo und danke Dir!
  28. am 17.10.2015
    Dür töife Schnee und uf de Schi chunt gli der Samichlaus derhär
    I hoff är chert bi mir ou i und der Sack sig dick und schwär
    I säg em gschwind mis Färsli uf de brucht är sicher d'Ruete nit
    und freu mi dass är mir do druf luter gueti Sache git
  29. am 17.10.2015
    Hoi Samichlaus – schön bisch Du cho
    I mues Dir säge - sowiso –
    dass i nid immer lieb bi gsi
    Du weisch es jo scho irgendwie

    Gäu Du bisch ä liebe Maa
    I mues nid Angscht vo Dir ha
    Im Sack si keini böse Buebe
    Nüssli, Bire – darf i ine luege?

    Danke das Du zu mir bisch cho
    Und Gschänkli aui do tuesch lo.
    Jetz Du schöne Wienachtsmaa
    frog I di, was darf ig haa?
  30. Bangerter Esther
    Bangerter Esther am 05.11.2015
    Samichlous du guete Maa,
    itz möchti Mal e Ruete ha.
    Nüss u Schoggi hani gnue,
    vou si nämlech mini Schueh.
  31. Vanessa Furer
    Vanessa Furer am 10.11.2015
    Samichlous ig ha di gärn
    Hür no lieber weder färn
    Wohnsch du eigentlich z Bärn
    oder äch ufemene Stärn
  32. Brigitte Stamm
    Brigitte Stamm am 18.11.2015
    Eseli, Eseli Hopsassa
    Zieh im Chlaus de Schlitte nah
    de Wald durab durchs Dörfli ii
    hesch de Schmutzli au debi
    s^Grosse Buech mit Gschichte drinn
    öb ächt d Chinde brav gsi sinn
    jetz hoffi das es Säckli get
    weisch Samichlaus i muess gli is Bett.
  33. Pat
    Pat am 06.11.2016
    Samichlaus du liebe Ma
    Du wetsch secher es Kössli vo mer ha.
    Mech tuets aber gruse
    met der ome z schmuse...
  34. Sandra
    Sandra am 14.11.2016
    Ho ho ho dr Samichlous isch do,
    tüüf usem wald do chunt er här,
    er treit dr sack so dick und schwär,
    ho ho ho dr samichlous isch do!
  35. Carmen
    Carmen am 18.11.2016
    Höch doba im Scaläratobel, ganz versteckt im Wald, döt heds es klises Hüsli, das isch scho ziemli alt, döt wohnt der Samichlaus mit sina feina Sacha. Er isch grad am Cafi macha, plötzlich luagt er uf t'Uhr - ölla, i sött scho lang uf kuhr!
  36. A.Weibel
    A.Weibel am 21.11.2016
    Vo wytem ghört meh's glöggele, wer chunnt ächtsch do cho z'töggele?
    S isch's chline graue Eseli. Es suecht im Gras nach Greseli.
    S'stellt d Ohre uf und rüeft: i-aa, i-aa!
    Juhui, dr Samichlaus isch do!
  37. Ramon roppel
    Ramon roppel am 25.11.2016
    Lol
  38. Noémie Grunder
    Noémie Grunder am 26.11.2016
    Liebe Samichlous wo gasch hi?
    I bi e ganz en liebe/i gsy!
    Drum nisch mi nid is Säckli dri!
    Hoffe hesch es schöns jahr gho
    De Samichlous isch a nüm lang do!⛄
  39. Gabriela Fischer
    Gabriela Fischer am 29.11.2016
    Samichlaus es esch halt schwär all Tag Artig z si,
    Secher chonsch du hött bi mer met em grosse Buech verbii.
    Ned immer esch mer sFolge glunge so wie egs ha wöue,
    Gäu Samichlaus du weisch es scho, e muess dir nüt verzöue.
    Wenn aber a dim grosse Sack nömm so schwär wettsch träge, so wörd i für e hampfle Nüss härzlech Danke säge
  40. Janina
    Janina am 01.12.2016
    Hei Samichlous bisch zwar ä altä, doch mi tünkts no gut erhalte.
    Gel du luegsch das es nidübertriebsch, das üs lang erhalte blibsch.
  41. Timo
    Timo am 02.12.2016
    Was isch das für es liechtli? Was isch das für en schi?
    Das isch de Chlaus vo Beznau und strahlet vor sich hi.
  42. Naomi
    Naomi am 04.12.2016
    Sammi niggi näggi, hinderem uf em staäggi
    Gib mer Nuss und Bire,denn chum i wieder füre.
  43. erika bodmer
    erika bodmer am 05.12.2016
    Schlittenfahrt

    Uf em grosse Hörnerschlitte
    chunnt der Samichlaus gritte.
    D'Geisle chepft, u silberhäll
    glöggelet sys Schlittegeschäll.
    Hei, isch das e wildi Fahrt !
    D'Byse striglet ihm der Bart,
    schmeist ihm d'Auge voller Schnee,
    dass er chuum cha vüre gseh.
    Ds Eseli muess grüüsli schnuppe;
    d'Byse tuet's nid minder tschuppe,
    u der Schlitte hänkt ihm a,
    dass es fasch nid gfahre ma.
    Aber Chlaus, i grosse Sorge,
    darf sym Grauli weni borge.
    Mit sym töife Cholebass
    seit er:" Gäll, das isch kei Gspass !
    Lueg, es isch nid anders z'mache !
    Da my Schlitten isch voll Sache,
    won ig innert dreine Tage
    muess vertrage, süsch git's z'chlage.
    Bin i z'spät, ischt d Chappe lätz -
    drum, mys Grauli, hopp i d'Sätz !"
    Ds Eseli, das guete Gschöpfli,
    nickt verständig mit em Chöpfli,
    ligt no einisch brav i d'Stricke -
    u nach parnen Augeblicke
    biegt es ume nächschte Rank -
    Grauli, liebs ! Häb tuusig Dank !
  44. Elisabeth Inaebnit
    Elisabeth Inaebnit am 08.12.2016
    Im Wald, da steit es hölzigs Hus, da luegt es Eseli zum Fänschter us.
    Es gseht viel Schnee, es isch so chalt, da chunnt dr Samichlous us em Wald.
    Är lacht u rüeft:"Es geit mer guet!" u schiesst vor Freud id Luft si Huet.
    "Morn cha ni de Chinder d Säckli bringe u ghöre se värslä u Lieder singe.
    Eseli, du chasch di freue. U nächär chöi mer gmüetlech löie."

    (Löie = berndeutsch: entspannen, ausruhen)
  45. manuela
    manuela am 10.01.2017
    Samichlous du gatteschluch säg doch die färsli sälber uf

Neues Gedicht schreiben