Gedichte & Versli

Das Chlausenverzeichnis durchsuchen
Geben Sie hier den gewünschten Ortsnamen oder den Namen der gesuchten Chlausengesellschaft ein

Beiträge (52)

  • Sandra Kuratle

    am 07.12.2019
    Samichlaus du guätä Maa dörft ich ächt äs Zältli ha ?
  • Sandra

    am 04.12.2019
    Samichlaus Du liäbä Maa,
    därfi chli zum chnabbärä ha?
    SMami seit ich bin kein Ängel
    aber zum Glück au kein Bängel!
    Eigentli bini ganz liäb und ehrlich
    und für mini Eltärä klar unäntbehrlich
    Du bisch toll wiä wahr
    wiä dä Papa Moll mit Haar
    Dankä, dass Du daa bisch
    und miär dini Gaab gisch...
    Pass uf uf dich uf
    nächscht Jahr bini no besser druf
  • Sandra

    am 04.12.2019
    Samichlaus ich bin äs Schätzli
    Mis Mami seit miär süässäs Spätzli
    Min Papi rüäft mich chlini Muus
    Liäbä Samichlaus pack bitte dis Seckli uus
  • Roland

    am 04.12.2019
    Samichlaus, du rote Gsell:
    D'Zyt vergaht ja gar so schnell!
    Wieder bisch du zu eus cho.
    Häsch ächt Guets vo eus vernoh?

    Samichlaus, du liebe Gascht:
    Mach bi eus e rächti Rascht!
    Bringsch eus sicher feini Sache
    Und gwüss au es bitz zum Lache.
  • Thomas

    am 03.12.2019
    Mir warte alli, gross u chlii,
    Es isch scho bald sowit,
    Der Samichlous chunnt hüt verbii,
    Mir hei scho längi Zyt.

    Mir stöh a d Fänschterschiibe,
    und drücke d Näsli dra,
    Und gseh im Neuschneetriibe
    Es Reh am Waldrand schtah.

    Es luegt dür Äscht und Blettli,
    uf d Schpuur im wiisse Schnee,
    der Chlous geit hüt ids Stedtli,
    um alli Chinder z gsee.

    Mit schwärem Schritt und Wanderstab,
    chunnt är zum Tööri ii,
    Är wüscht der Schnee vom Mantel ab,
    und strichlet ds Eseli.

    Er git es saftigs Rüebli,
    am Eseli zum Ässe,
    sä da, mis graue Büebli,
    Di weimer nid vergässe

    Der Samichlous nimmt ds Buech i d Hand,
    Und tuet vo üs verzelle,
    Öb mir sy lieb gsi zunenand,
    und ob mir scho chöi zelle.

    Im Chlousebuech steit über jede,
    viel Schöns uf tuusig Site,
    und dass mer zäme söue rede,
    statt mitenander z strite

    Der Chlous het ufmerksam studiert,
    was d Chind dür ds Jahr hei gmacht,
    Der Schmutzli het das alls notiert,
    i mänger länger Nacht

    Samichlous, mir danke Dir,
    dass du Jahr für Jahr,
    zu üs gäng chinnsch zur Chlousefiir,
    bisch eifach wunderbar!
  • Flora thierfelder

    am 01.12.2019
    Samichlus Samichlus Chum au zu mir is huus.ich möcht es schönes säkchli ha .chasch du mir äis gää .Ich ha scho lang Kais me kcha.
  • Annelies Gätzi

    am 29.11.2019
    Samichlaus vom Üetliberg
    häsch dis Eseli und din Zwerg
    häsch än Sack mit Öpfel, Nusse
    Gäll du häsch kei Ruete dusse
    Dini Auge ja die stränge
    wüssäd, dass ich öppe Zwänge
    Aber weisch, ich bin no chli
    s nächscht Jahr will ich bräver si.
  • Sabrina

    am 27.11.2019
    Säg Mueti, wie lang geits ächt no,
    bis dass dr Samichlaus duet cho?
    Säg Mueti, cha me d'Uhr nid zwinge,
    dass d'Zeiger schäller umespringe?
    Säg Mueti, cha me d'Zyt nid bschysse
    und am Kaländer z'viil abrysse?
    Säg Mueti, meinsch är düeg dra dänke,
    dr Samichlaus, mer öppis z'schänke?
  • Marlis

    am 19.11.2019
    Samichlaus du guete ma,
    hesch du schöni schueh a,
    die würdid mer au nu gfaue,
    ich würd mi aber nid getraue,
    mit so grosse schueh umezlaufe,
    drum tuet mer smami andiri chaufe.
    Doch es säckli vu dier würdi näh,
    würdsch mer echt eis i mini Hände gäh?
  • Elisabeth Inaebnit

    am 08.12.2016
    Im Wald, da steit es hölzigs Hus, da luegt es Eseli zum Fänschter us.
    Es gseht viel Schnee, es isch so chalt, da chunnt dr Samichlous us em Wald.
    Är lacht u rüeft:"Es geit mer guet!" u schiesst vor Freud id Luft si Huet.
    "Morn cha ni de Chinder d Säckli bringe u ghöre se värslä u Lieder singe.
    Eseli, du chasch di freue. U nächär chöi mer gmüetlech löie."

    (Löie = berndeutsch: entspannen, ausruhen)
  • erika bodmer

    am 05.12.2016
    Schlittenfahrt

    Uf em grosse Hörnerschlitte
    chunnt der Samichlaus gritte.
    D'Geisle chepft, u silberhäll
    glöggelet sys Schlittegeschäll.
    Hei, isch das e wildi Fahrt !
    D'Byse striglet ihm der Bart,
    schmeist ihm d'Auge voller Schnee,
    dass er chuum cha vüre gseh.
    Ds Eseli muess grüüsli schnuppe;
    d'Byse tuet's nid minder tschuppe,
    u der Schlitte hänkt ihm a,
    dass es fasch nid gfahre ma.
    Aber Chlaus, i grosse Sorge,
    darf sym Grauli weni borge.
    Mit sym töife Cholebass
    seit er:" Gäll, das isch kei Gspass !
    Lueg, es isch nid anders z'mache !
    Da my Schlitten isch voll Sache,
    won ig innert dreine Tage
    muess vertrage, süsch git's z'chlage.
    Bin i z'spät, ischt d Chappe lätz -
    drum, mys Grauli, hopp i d'Sätz !"
    Ds Eseli, das guete Gschöpfli,
    nickt verständig mit em Chöpfli,
    ligt no einisch brav i d'Stricke -
    u nach parnen Augeblicke
    biegt es ume nächschte Rank -
    Grauli, liebs ! Häb tuusig Dank !
  • Naomi

    am 04.12.2016
    Sammi niggi näggi, hinderem uf em staäggi
    Gib mer Nuss und Bire,denn chum i wieder füre.
  • Timo

    am 02.12.2016
    Was isch das für es liechtli? Was isch das für en schi?
    Das isch de Chlaus vo Beznau und strahlet vor sich hi.
  • Janina

    am 01.12.2016
    Hei Samichlous bisch zwar ä altä, doch mi tünkts no gut erhalte.
    Gel du luegsch das es nidübertriebsch, das üs lang erhalte blibsch.
  • Gabriela Fischer

    am 29.11.2016
    Samichlaus es esch halt schwär all Tag Artig z si,
    Secher chonsch du hött bi mer met em grosse Buech verbii.
    Ned immer esch mer sFolge glunge so wie egs ha wöue,
    Gäu Samichlaus du weisch es scho, e muess dir nüt verzöue.
    Wenn aber a dim grosse Sack nömm so schwär wettsch träge, so wörd i für e hampfle Nüss härzlech Danke säge
  • Noémie Grunder

    am 26.11.2016
    Liebe Samichlous wo gasch hi?
    I bi e ganz en liebe/i gsy!
    Drum nisch mi nid is Säckli dri!
    Hoffe hesch es schöns jahr gho
    De Samichlous isch a nüm lang do!⛄
  • A.Weibel

    am 21.11.2016
    Vo wytem ghört meh's glöggele, wer chunnt ächtsch do cho z'töggele?
    S isch's chline graue Eseli. Es suecht im Gras nach Greseli.
    S'stellt d Ohre uf und rüeft: i-aa, i-aa!
    Juhui, dr Samichlaus isch do!
  • Carmen

    am 18.11.2016
    Höch doba im Scaläratobel, ganz versteckt im Wald, döt heds es klises Hüsli, das isch scho ziemli alt, döt wohnt der Samichlaus mit sina feina Sacha. Er isch grad am Cafi macha, plötzlich luagt er uf t'Uhr - ölla, i sött scho lang uf kuhr!
  • Sandra

    am 14.11.2016
    Ho ho ho dr Samichlous isch do,
    tüüf usem wald do chunt er här,
    er treit dr sack so dick und schwär,
    ho ho ho dr samichlous isch do!
  • Pat

    am 06.11.2016
    Samichlaus du liebe Ma
    Du wetsch secher es Kössli vo mer ha.
    Mech tuets aber gruse
    met der ome z schmuse...
  • Brigitte Stamm

    am 18.11.2015
    Eseli, Eseli Hopsassa
    Zieh im Chlaus de Schlitte nah
    de Wald durab durchs Dörfli ii
    hesch de Schmutzli au debi
    s^Grosse Buech mit Gschichte drinn
    öb ächt d Chinde brav gsi sinn
    jetz hoffi das es Säckli get
    weisch Samichlaus i muess gli is Bett.
  • Vanessa Furer

    am 10.11.2015
    Samichlous ig ha di gärn
    Hür no lieber weder färn
    Wohnsch du eigentlich z Bärn
    oder äch ufemene Stärn
  • Bangerter Esther

    am 05.11.2015
    Samichlous du guete Maa,
    itz möchti Mal e Ruete ha.
    Nüss u Schoggi hani gnue,
    vou si nämlech mini Schueh.
  • am 17.10.2015
    Hoi Samichlaus – schön bisch Du cho
    I mues Dir säge - sowiso –
    dass i nid immer lieb bi gsi
    Du weisch es jo scho irgendwie

    Gäu Du bisch ä liebe Maa
    I mues nid Angscht vo Dir ha
    Im Sack si keini böse Buebe
    Nüssli, Bire – darf i ine luege?

    Danke das Du zu mir bisch cho
    Und Gschänkli aui do tuesch lo.
    Jetz Du schöne Wienachtsmaa
    frog I di, was darf ig haa?
  • am 17.10.2015
    Dür töife Schnee und uf de Schi chunt gli der Samichlaus derhär
    I hoff är chert bi mir ou i und der Sack sig dick und schwär
    I säg em gschwind mis Färsli uf de brucht är sicher d'Ruete nit
    und freu mi dass är mir do druf luter gueti Sache git
  • am 17.10.2015
    Im Wald isch's chalt und s'hät vill Schnee
    jetz hani grad es Rehli gseh
    Es springt devo - was hät's ächt ghört?
    Was isches ächt, was z'Rehli stört?
    Etz gsehnis au - de Schlittä da
    es hät ä huffä Päckli dra
    Dä Samichlaus - oh weli Pracht!
    Wo gasch au hi mit diner Fracht?
    oh bitte, chumm doch au zu mir!
    Ich freu mi soo und danke Dir!
  • am 17.10.2015
    liebe Samichlaus de Schnee chunt bald
    jetzt wird's ziit für dich, chum us em Wald.

    ich warte scho mit viel Geduld
    bin s'ganz Jahr scho brav und ohni Schuld..

    gäll das isch doch en Grund
    für es g'füllts Säckli ja ganz rund..

    für de B'suech danke ich dir und au am schmutzli
    lueg da, drum han au ich für eu es Gutzli.
  • am 17.10.2015
    I bi e chline Stumpe,
    ha no churzi Bei.
    Gib mir gschwind es Päckli,
    de chani wieder hei.
  • am 17.10.2015
    Äs dunklet scho durs Gässli y,
    dr Samichlaus chunnt jetzt de gly!
    Ä chalte Wind blosst i sis Horn,
    villicht, villicht gits Schnee bis morn!
    Oh wenn doch so nä Wulchä chäm
    und huffä Schnee uf d Ärdä nähm,
    de wer dr Samichlaus sicher froh,
    de chönnt er mit em Schlittä cho
  • am 17.10.2015
    Dä versteckt sich z hinderscht im Schrank,
    dä grad ungerem Chuchibank,
    dä schliesst sich im Zimmer i,
    dä weiss grad gar nümm wohi,
    nur der Chlinscht stoht muetig do,
    vorem Samichlaus muess me kei Angscht ha.
  • am 17.10.2015
    Los, ich ghörä 's Glöggli lütä, dussän uf der Schtägä das isch gwüss der Samichlaus, mag chum d'Päckli trägä
    (Refr.) Gling gling gling, gling gling gling, tönt sys Glöggli hell Pumpumpum, pumpumpum chlopft mys Härzli gschnell.

    Chumm id Schtubä tuä verschnuufän und der Sack usläärä wäisch, miär Chindä händ di halt äifach alli gärä. (...Refr.)

    Schmutzli, Ruätä bruucht's ä käini, tuä nid d'Schtirnä rümpfä.
    Z' nöchschti Jaar, chasch sicher si, bruuchsch käis Wort meh z'schimpfä (Refr.)

    Samichlauslied aus Uri (Dialekt angepasst; Original "Gleggli" statt "Glöggli", "üsläärä" statt "usläärä" usw.)
  • am 17.10.2015
    Ich bi e chlyne Pfüderi
    das säged alli Lüt.
    Ich wett so gärn en Grosse ( e Grossi) si doch strecke das nützt nüt !
    Gäll Samichlaus, das weisch du scho
    chunsch glich i euses Huus,
    und leersch no vor em Witersgah
    din Sack i d' Stube n'us.
  • am 17.10.2015
    sami niggi näggi hinterem ofe stecki bringsch mer nuss und bire denn chumi wieder füre
  • am 17.10.2015
    Samichlous du liebe Maa,
    gäu i muess ke Ruete ha?!

    Gibse lieber am Papi,
    dä isch dr grösser Lappi.
  • am 17.10.2015
    Samichlaus du liebe Maa
    wetsch es sprüchli vo mir ha
    ich seg der eis
    ich weis aber Keis
  • am 17.10.2015
    D Blätter falled ab dä Bäume, d chinde fanged afa träume. Vo däm maa im dunkle Wald, wo au würkli au scho bald, mit em Esel und em Schlitte, ämenä Sack und schwäri Schritte. Zstampfä chummt dä Sack abstellt und am Chind sini Gschicht verzellt
  • am 17.10.2015
    Samichlous im Tannewald
    säg, chunnsch Du nid öppe bald.

    Es het ja hür scho 3 Mal gschneit,
    ds Värsli hani 10 Mal gseit.

    Chum nimm di Sack, la d'Ruete sy,
    weisch, für die bi ig no ds chly.
  • am 17.10.2015
    ou samichlous,
    mis Härzli chlopfet lies und fescht,
    ig hoff' Du weisch vo mir nur z'Bescht!
    Die andere chline, dumme Sache,
    möcht ig nächscht Jahr gwüss nümme mache!
    Drum, bitte lueg im Sack jetz drii,
    ob's öppis Schöns het ou für mii.
  • am 17.10.2015
    Es Rehli gumpet über d Winterwiis
    verusse schneits ganz fiin und liis.

    Dänn springs direkt in Wald
    es weiss de Samichlaus chunt bald.

    Vo wiitem gsehts es chliises Liecht
    und s Glöggli ghörts au lüüte.

    Jetzt weises es isch scho ader Zyt
    de Chlaus chunt und si Wäg isch wiit.

    Es seit ja grüessti wohl Herr Samichlaus
    säg gasch scho zu de Chind?

    Er lacht und seit ja mis Reh,
    die hend mi über es Jahr nümm gseh.

    Er gitem epis us em grosse Sack und streichlet fiin sii Fäll,
    dänn seit er jetzt mueni gah ich chan
    Chind nümm länger warte la.
  • am 17.10.2015
    Nikolaus sei unser Gast
    wenn Du was im Säckli hast,
    hast Du was, so lass Dich nieder,
    hast Du nichts verschwinde wieder
  • am 17.10.2015
    Jetzt stinkts mir denn, ych ka nimm warte
    bis Santiglaus zur Düür iikunnt
    Jetzt stinkts mir denn, ych ka nimm warte
    das duurt jo sicher no hunderttausig Stund
    kumm doch äntlig,kumm doch äntlig
    bitte kumm doch gly
    jetz hör ych e Glöggli lyte
    cool das muess en si
  • am 17.10.2015
    Eseli, Eseli chlii und grau,
    Esseli uf em Haberstrau,
    llauf weidli sbergli uuf und ab,
    beglet de chlaus zu üüs id Stadt.
  • am 17.10.2015
    De Wald isch wiis und voller Schnee,
    ich glaub, ich han de Chlaus grad gseh.
    Mis Herzli chlopfed ganz fescht und gschwind,
    gaht er no zu andere Chind?
    Chum ine, liebe Samichlaus,
    und lär Diin Sack grad us,
    chumm, bliib doch no es Wiili i öisem warme Huus!
  • am 17.10.2015
    Es dunklet scho im Tannewald
    und s'schneielet ganz lislig.
    Was isch das für es Liechtli deet
    i säbem chline Hüsli ?
    Deet isch de Samichlaus dihei
    mit sine vilne Sache
    er isch jetzt mit em Schmutzli
    am Wiehnachts-Guetzli bache.
    Da pöpperlet's as Lädeli
    und s'Glöggli g'hört mer lüüte.
    Jetzt weiss er scho wer dusse isch
    und was das söll bedüüte.
    S'Chrischt-Chindli chunt no z'abig schpoot
    em Samichlaus go rate
    s'isch Ziit das uf de Wäg er goot
    well d'Chinde scho tönd warte.
    Do packt de Schmutzli alli Säck
    mit Guetzli, Gschänk und Chueche
    chom Samichlaus jetzt gömmer
    alli Chind dihei go bsueche.
  • am 17.10.2015
    Samichlaus wo chonsch du här?
    Warum isch au din Sack so schwär?
    Bisch de ganzi Wald dur gloffe?
    Häsch villicht s'Chrischchindli troffe?
    S'hät sicher gseit es chämi au scho gli.
    Gäll Chlaus, ich bin en liebe/i gsi!
  • am 17.10.2015
    Samichlaus so chumm doch ine. Muesch nöd verusse stah. Wieso hesch du din Schmutzli wieder mitgnah? Han ich echt öpe zwenig gfolget, s ganz Jahr i und us? Ich chann halt au nöd immer es liebs Buebli si!
  • am 17.10.2015
    Samichlaus ig ha di gärn!
    Doch vom Schmutzli bini Fän!
  • am 17.10.2015
    Was isch das für es Liechtli?
    Was isch das für e Schyy?
    Dä Chlaus mit de Latärne
    Gaht grad de Wald durii.

    Sie Esel dä isch glade, er rüeft ia, ia!
    Hüt dörfi mit em Meischter, e mol
    is Städtli gah!

    Im Sack da hetz viel Nusse, au Tirgel
    Zimmetstärn, die trägi für en zähntner und
    d Chinder no so gärn.
  • am 17.10.2015
    I weiss es chliises Müüsli
    im Samichlause Hüüsli
    Los wien es macht
    zmittst i dr Nacht
    Los nume guet. i glaube gwüss
    das freche Müüsli schnaused Nüss.

    I weiss im Waud es Plätzli
    dert hocke siibe Spätzli
    Was tüe si picke,
    dranne zwicke
    Was mache si für Spatzetänz
    Aha! Sie hei e Grittibänz

    I weiss es graubruns Eseli
    das zieht em Chlaus sis Scheseli
    es jöggelet
    u glöggelet
    u trappet zfriede s Wägli uus
    u bliibt de stah vor üsem Huus.
  • am 17.10.2015
    E Liechtli chunnt der Feldweg yy,
    ych glaub das mues der Santiglaus sii.

    Jetzt ghört me's Glöggli, still los guet,
    wie's über d' Wiese lüüte duet,

    Mis Herzli glopft lies und fescht,
    ich hoff Du weisch vo mir nur's Bescht.

    Die andere glaine dumme Sache,
    möchti s'nägscht Jahr besser mache.

    Drum bitte lueg in Sack jetzt drii,
    ob's öppis het für mi derbii.
  • am 17.10.2015
    Am Waldrand stoht es Hüüsli, de schnee ligt uf em Dach.
    Es liechtli brönnt am Feischter, sind ächt die Chind no wach?

    Wär chunnt det uus de Tanne, im Mantel wiit und Warm?
    Gros Händsche a de Füschte e Fitze underem Arm?

    Oh lueget die Kaputze, dä sack an Rugge ghänkt!
    Es isch dä Chlaus ihr Chinde ich has no halbe dänkt.

    Wänn jetzt do nur e jedes e ordligs Färsli weis gäll Büebli hesch net gfolget dir werdet bäggä heis.
  • am 17.10.2015
    Ou, Samichlous du liebe Maa,
    bisch du scho wider daa ? !
    mi dünkt's sigsch ersch grad binis gsii
    so schnäll isch's Jährli doch verbii !
    Drum het's nid glängt, äs schööns Gedichtli z'mache, gäll, gischmer gliich vo dine schöne Sache!

Einen neuen Beitrag schreiben